Benvida ó novo curso

Estimados pais e nais:

Saudámosvos ó comezo do novo curso, e dámosvos a benvida a todos os que vos incorporades ó Colexio por primeira vez.

Animámosvos a facervos socios (aos novos), e a renovar a inscrición (aos veteranos).

A cota anual é de 23 euros por familia, e recordámosvos que ser socio é imprescindible para poder dispor do servicio de Comedor e das Actividades extraescolares. Tamén supón interesantes vantaxes no prezo das actividades e excursións que se organicen ó longo do curso.

Todo o que facemos é posible gracias a que un grupo de persoas dedican unha gran parte do seu tempo libre a traballar na ANPA; por iso pedímosvos, aos que poidades, que vos incorporedes para aportar o voso gran de area.

Xa podedes pasar polo local da ANPA para facer as inscricións nas Actividades extraescolares.

O prazo será do 18 ó 24 de Setembro, e as actividades darán comezo o día 1 de Outubro.

• Se as actividades son do Programa de Deporte no Centro será preciso entregar a ficha cuberta, xunto co xustificante de pago da cota (na mesma conta bancaria de La Caixa na que se fai o ingreso de socios: 2100-2725-20-0100369100).
• Para as actividades propias da ANPA (Activa) precisaredes só entregar cuberta a ficha correspondente (o pago será mensual por domiciliación bancaria).

• No caso de Judo só será necesario facer a inscrición no local da ANPA, xa que dos cobros se encarga o monitor.

No caso de que o número de crianzas que se anoten supere o máximo establecido, a admisión será por rigurosa orde de inscrición. Por outra banda, se algunha das actividades non sae adiante por falta de solicitudes, se devolverán os cartos ingresados.

Lembrámosvos que a ANPA existe non só para organizar as actividades extraescolares e o comedor, senón fundamentalmente para representar os intereses das familias do alumnado na Comunidade Escolar, e fundamentalmente no Consello Escolar, que é onde se toman moitas das decisións que afectan ó Colexio.

Por iso, se existen problemas e conflitos no ámbito escolar, debedes lembrar que a ANPA é a principal vía para representar os intereses dos pais e nais ante a Dirección do Centro e as autoridades educativas.

O horario da ANPA dende o día 12 de Setembro e ate o día 30 será de luns a venres de 9 a 10h., e a partires de Outubro será Martes de 9 a 10h. e de 16 a 17h., Xoves de 9 a 10h.

Ademais podedes poñervos en contacto con nós a través do correo electrónico, e informarvos das actualidades no blogue, e tamén en Facebook.

Coa esperanza de un curso proveitoso e tranquilo enviámosvos un saúdo.

A Xunta Directiva.

Luns 17 de Setembro de 2012.